तुलसीपुर २८ कात्तिक २०८१ बुधवार,। राष्ट्रिय सूचना आयोगका प्रमुख सूचना आयुक्त महेन्द्रमान गुरुङले सुचना नदिनेलाई कारवाही हुने बताउनुभएको छ । राष्ट्रिय सूचना आयोगको आयोजनामा आज तुलसीपुरमा भएको सूचनाको हक सम्बन्धि
अन्तरक्रिया कार्यक्रमलाई सम्बोधन गर्दै उहाँले यस्तो बताउनुभएको छ । सार्वजनिक सरोकारका सूचना दिन्न भनेर पञ्छिन नमिल्ने भन्दै उहाँले सूचना नदिनेलाई आयोगले कारवाही गर्ने बताउनुभयो । यसका लागी सूचना माग गर्ने व्यक्तीले राष्ट्रिय
सूचना आयोगमा पुनरावेदन दिनुपर्ने उहाँको भनाई छ । अन्तरक्रिया कार्यक्रममा पत्रकार तथा सामाजिक अभियान्ताहरुले कतिपय सार्वजनिक निकायहरुले सूचना अधिकारी नतोकेको, माग गरेको सुचना उपलब्ध नगाराएको, आनकानी गर्ने गरेको
लगाएतका गुनासो तथा जिज्ञासाहरु राखेका थिए । त्यसको जवाफ दिने क्रममा प्रमुख सूचना आयुक्त गुरुङले सबै सरकारी तथा गैरसरकारी संघसंस्था हरुलाई सूचना अधिकारी अनिवार्य तोकेर सूचनाको हक कार्यान्वयन गर्न आदेश दिइसकेको बताउनुभयो
सूचना अधिकारी तोक्ने, प्रत्यक ३/३ महिनामा आफुले गरेका कामकारवाहीहरु सार्वजनिक गर्ने र कुनैपनि नागरिकले माग गरेको सूचना उपलब्ध गराउने हो भने सूचनाको हक स्वतः कार्यान्वयन हुने उहाँको भनाई छ । सबै कार्यालयहरु जिम्मेवार बनेर
सूचनाको हकको प्रत्याभुती दिन सक्ने हो भने कसैैले पनि अयोगबाट कारवाही भोग्न नपर्ने भन्दै यसतर्फ सचेत बन्न आग्रह गर्नुुभयो । सो अवसरमा तुलसीपुर उपमहानगरपालिकाका मेयर टिकाराम खड्का र प्रमुख जिल्ला अधिकारी कृष्ण प्रसाद
लम्सालले सूभकामना मन्तव्य राख्नुभएको थियो । सूचना आयोगका उप–सचिव युवराज अधिकारीले सूचना माग गर्ने तरिका, पुनरावेदन गर्ने तरिका, आयोगले गरेका कार्य प्रगती लगायत सूचनाको हकसम्बन्धि जानकारी गराउनुभएको थियो । कार्यक्रमको सहजीकरण दिनेश भट्राईले गर्नुभएको थियो ।।