दाङ : बंगलाचुली गाउँपालिकाले मंगलबार फागुन १ गते सार्वजनिक बिदा दिएको छ। गाउँपालिकाले सोमबार एक सार्वजनिक सूचना जारी गर्दै फागुन १ गते जनयुद्ध दिवसको अवसरमा सार्वजनिक बिदा दिएको हो । गाउँपालिकाको बैठकको
निर्णय अनुसार फागुन १ गते सार्वजनिक बिदा दिने निर्णय गरेको सूचनामा उल्लेख गरिएको छ । गाउँपालिकाका प्रमुख प्रशासकीय अधिकृत चन्द्रकान्त पौडेलद्वारा जारी सूचनामा उल्लेख गरिएको छ । गाउँ कार्यपालिकाको बैठकको निर्णय
अनुसार मिति २०८० फागुन १ गते जनयुद्ध दिवसका अवसरमा यस गाउँ कार्यपालिकाको कार्यालय एवं मातहतका सबै सरकारी कार्यालयहरू तथा शिक्षण संस्थाहरूमा समेत १ दिन स्थानीय सार्वजनिक बिदा दिइएको व्यहोरा सूचना मार्फत जानकारी गराइएको छ ।