रमा बुढा मगर-=======
तुलसीपुर ६ जेठ २०८० ,दाङको तुलसीपुर उपमहानगरको वडा नम्बर ९ मा रहेको अमृतपुर् खानेपानी तथा सरसफाई संस्थाका जिम्मेवार पदाधिकारी हरुले संस्थाको ठुलो रकम आफुखुशी व्यक्तिगत काममा प्रयोग गरी रहेको पाईएको छ | तुलसीपुर उपमहानगरको वडा नम्बर ३, ८, र ९ नम्बर वडामा खानेपानी वितरण गरी रहेको खानेपानी संस्थाको कोष बाट उक्त रकम
झिकेर उनी हरुले त्यती ठुलो रकम बिगत १ वर्ष देखी घरायसी काममा प्रयोग गरी रहेको पाईएको छ | यसरी संस्थाको रकम घरायसी काममा प्रयोग गर्ने हरुमा संस्थाका अध्यक्ष चन्द्रकान्त खरेल, कोषाध्यक्ष केशब बहादुर वली र सचिव दशरथ वली रहेका छन् | खानेपानी संस्थाको अध्यक्षमा चन्द्रकान्त खरेल आए पछी उनले संस्था लाई विधिवत रुपमा संचालन गर्न नसकेको,
आर्थिक पारदर्शिता नभएको जनगुनासो आई रहेको बेला यस्तो रहश्य बाहिर आएको हो | संस्थाको कोषको रकम व्यक्तिगत काममा सब भन्दा धेरै प्रयोग गर्नेमा खानेपानी संस्थाका कोषाध्यक्ष केशब बहादुर वली रहेको पाईएको छ | उनले अमृतपुर् खानेपानी सरसफाई संस्थाको नाममा रहेको सिद्वार्थ बैंक बाट एक पटक १० लाख रुपैयाँ र अर्को पटक ५ लाख रुपैयाँ गरी १५
लाख रुपैयाँ संस्थाको कोष बाट झिकेर आफ्नो घरायसी कामका लागी प्रयोग गरी रहेका छन् भने ५८ हजार रुपैयाँ २ वटा निजि धारा दिए वापत संस्थाले असुलेको रकम समेत घरायसी काममा खर्च गरी रहेको पाईएको छ | यसै गरी संस्थाको कोष बाट रकम झिकेर घरायसी काममा लगाउनेमा संस्थाका अध्यक्ष चन्द्रकान्त खरेल पनी रहेका छन | उनले खानेपानी संस्थाको ज्योती
बिकास बैंकको शाखा बाट २ लाख रुपैयाँ र बैंकमा जम्मा गर्नु पर्ने रकम ३५ हजार रुपैयाँ बैंकमा जम्मा नगरी आफूखुसी घरायसी काममा प्रयोग गरेको कुरा कार्यालय बाट उपलब्ध विवरणमा देखिएको छ | त्यस्तै संस्थाको रकम घरायसी काममा चलाउनेमा संस्थाका सचिव दशरथ वली पनी रहेका छन् | उनले खानेपानी संस्थाको नाममा रहेको ज्योती बिकास बैंक बाट एक
पटक १ लाख ५० हजार र खानेपानी संस्थाको सिद्वार्थ बैंक बाट १ लाख रुपैया र संस्थाको खातामा जम्मा गर्नु पर्ने रकम ६ हजार ९०० रुपैयाँ गरी जम्मा २ लाख ५६ हजार ९०० रुपैयाँ घरायसी काममा लगाई रहेको कुरा खुल्न आएको छ | यसै बिषयमा हामीले अमृतपुर् खानेपानी सरसफाई संस्थाका अध्यक्ष चन्द्रकान्त खरेल लाई फोन गरेर संस्थाको यती ठुलो रकम बिना निर्णय किन
बैंक बाट झिकेर आफु, कोषाध्यक्षर सचिव मिलेर घरायसी काममा प्रयोग गरेको हो भनेर प्रश्न गर्दा आफु हरु बाट त्यस्तो गल्ती भएको कुरा बताए | हामी हरुले छिट्टै संस्थाको पैसा संस्थाको बैंक खातामा जम्मा गर्ने तयारी गरेका छौं खरेल ले राप्ति पहिचान संग भने | यस्तै कोषाध्यक्ष केशब बहादुर वली लाई फोन गरेर खानेपानी संस्थाको कोष को रकम आफूखुसी बिना कुनै निर्णय
घरायसी काममा प्रयोग किन गरेको भनेर सोधनी गर्दा आफु बाट त्यस्तो काम भएको र अबको दुइ चार दिनमा आफुले संस्थाको बैंक खाता बाट झिकी चलाएको संस्थाको रकम संस्थाकै खातामा जम्मा गरीदिने कुरा बताए | यता यही बिषयमा हामीले खानेपानी संस्थाका उपाध्यक्ष केशव सापकोटा लाई फोन गरेर खानेपानी संस्थाको यती ठुलो रकम कुन नियतले बैंक
बाट निकालेर व्यक्तिगत काममा प्रयोग हुन् पुगेको हो भनेर सोध्दा यस बिषयमा अध्यक्ष कोषाध्यक्ष र सचिव बाहेक अरु पदाधिकारी हरुको कुनै दोष नभएको कुरा बताए | ३ जना पदाधिकारी बाहेक अरु कुनै सदस्य र मलाई यो रकम बैंक बाट रकम झिकिएको बारे जानकारी थिएन तपाई मार्फत थाहा पाएर खोजीनिती गर्दा उनी हरुले २० लाख ४९ हजार ९०० रुपैया
संस्थाको खाता बाट झिकेर व्यक्तिगत रुपमा प्रयोग गरी रहेको कुरा खुल्यो सापकोटाले अगाडी भने | अमृतपुर् खानेपानी सरसफाई संस्थामा आर्थिक पारदर्शिता कम्जोर र शंकास्पद रहेको भन्ने आवाज जनसमाजमा उठी रहेका बेला यो घटना बाहिर आए पछी खानेपानी संस्थामा असक्षम अध्यक्ष भएका कारण यस्तो हुन् गएको टिप्पणी हुन् थालेको छ |