शान्तिनगर २७ माघ शान्तिनगर गाउँ पालिका वडा नम्बर ७ खैरेनीको आयोजना एबं माध्यमिक विद्यालय तुलसीपुरको व्यवस्थापनमा तीन दिने वडा स्तरीय खेलकुद प्रतियोगिता बिहीवार देखि माध्यमिक विद्यालय तुलसीपुरमा सुरु भएको छ। कार्यक्रमको उद्घाटन गर्दै शान्तिनगर गाउँ पालिकाका अध्यक्ष प्रमोद बस्नेतले खेलमा एकाग्रता , अनुशासन र स्वस्थ प्रतिस्पर्धा हुनु पर्ने जनाएका छन कार्यक्रमका प्रमुख अतिथि समेत रहनु भएका अध्यक्ष बस्नेतले खेल बाटै सहयोगको भावना र आत्मियता समेत बढ्ने भएकोले खेलको निकै महत्त्व रहेको बताउनु भएको छ।
प्रमुख अतिथि बस्नेतले शान्तिनगरले पनि केही दिन पछि गाउँ पालिका स्तरीय अध्यक्ष कप खेलकुद प्रतियोगिता राख्ने भएको हुनाले खेलाडी हरु लाई तयारी अवस्थामा रहन आग्रह समेत गर्नु भएको छ। वडा नम्बर ७ का अध्यक्ष तारा बहादुर ओलिको सभापतित्वमा भएको उद्घाटन सत्रमा खेल संयोजक दिलिप बस्नेत , वडा सचिव ज्ञान बहादुर परियार लगायतले शुभकामना मन्तव्य व्यक्त गरेका थिए। तीन दिनसम्म सञ्चालित उक्त खेलमा भलिबल , फुटबल र क्रिकेट प्रतियोगिता सञ्चालन हुने छन । उक्त कार्यक्रमको सहजीकरण पत्रकार निराश पाण्डेले गरेका थिए।