रमा बुढा मगर-===
तुलसिपुर २०७८ मंसिर २, मंसिर १ गते अन्ताजी बिहानको १० बजेर १५/१७ मिनेट गएको हुदो हो तुलसिपुर बजारको सल्यान रोडमा १०/१२ जना मान्छे ब्यानर सहित सडकमा देखा परे। उनी हरुले बोकेको ब्यानरमा दशौँ रास्ट्रीय कर दिवस २०७८ र प्रभात फेरि भनेर लेखिएको थियो। सडकमा निस्किएको यो टोली कुनै राजनितिक दलको कार्यकर्ता नभएर आन्तरिक राजश्व कार्यालय तुलसिपुरका कर्मचारी हरु थिए भने प्रभातफेरीको नेतृत्व प्रमुख कर अधिकृत गोपीकृष्ण कोइराला
ले गरि रहेका थिए। दशौ रास्ट्रीय कर दिवस को अवसरमा कर सम्बन्धी जानकारी दिनका लागी भनी निकालिएको उक्त र्यालीमा बोकेका ब्यानर हरुमा नागरिकले कर सम्बन्धी जानकारी कसरी लिनु पर्छ भन्ने कुरा भने कतै लेखिएको थिएन र एक जना पनि ग्राहक वा नागरिक लाई सहभागी गराइएको थिएन।र्याली तुलसिपुर बजार परिक्रमा गर्दै थियो त्यो समय सम्म बजारमा किनमेल गर्न आउने नागरिक हरुको पनि बाक्लै उपश्थिती तुलसिपुर बजारमा देखिन थालेको थियो।
तर तुलसिपुर बजारको दृश्यमा कर कार्यालयले आयोजना गरेको नागरिक हरुलाइ कर सम्बन्धी जानकारी दिन निकालिएको र्याली मात्रै नभइ व्यापारी हरुले ग्राहक लाई बिल नदिएर कर छली गरी रहेको दृश्य पनी प्रमुख कर अधिकृत गोपिकृष्ण कोइराला ज्यु को दायाँ बायाँ छरपस्टै देखिन्थ्यो।र्याली सल्यान रोडमा रहेको आन्तरिक राजश्व कार्यालय बाट निस्केर तुलसिपुर् को मुख्य ब्यापारिक केन्द्र पार गर्दै वि पी चोक पुग्दा सम्म र्यालीको दायाँ बायाँ रहेका व्यापारी हरु बाट
किनमेल गरेर सामान झोलामा बोकेर निस्किने ग्राहकको संख्या पनी २३ पुगी सकेको थियो भने कुनै पनि व्यापारी ले सामान खरिद गरेको बिल ती ग्राहक लाई दिएका थिएनन। राप्ती पहिचान डटकमको गुप्त सुचना संकलन टिमले यी सबै गतिविधी र्यालीको नजिक बाट नियाली रहेको थियो। व्यापारी हरुले अत्यधिक मूल्य बढाएर सामान बिक्री गर्ने तर सामान किन्ने वास्तविक ग्राहक लाइ बिल नदिएर पछी कुनै ह्वामे,
ग्वामेका नाममा बिल काटेर न्यून बिजक जारी गरेर आफुले अभिबृद्दी गरे जतिको भ्याट छली गर्ने गरेको दृश्य कर कार्यालयका प्रमुख गोपीकृष्ण कोइराला ले झलझलती देखि रहेका थिए तर उनी लाचार बनेर ब्यानर मात्रै तुलसिपुर बजारमा हिडाइ रहेका थिए। मूल्य अभिबृद्दी कर ऐन २०५२ को दफा २९ मा सामान बेचेर ग्राहक लाई बिल नदिने व्यापारी लाई पटककै पिच्छे १० हजार रुपैयाँ जरिवाना हुने ब्यबश्था छ तर कर
कार्यालय प्रमुख कै अगाडि ग्राहक हरुले व्यापारी बाट बिल नपाएको प्रमाण देखि रहँदा समेत कोइराला ले कुनै कदम उठाउन सकेनन निरीह र लाचार बनी रहे। अझ एउटा अनौठो दृश्य गुप्त सुचना संकलन टिमको क्यामेरामा रोल भयो त्यो दृश्य यस्तो थियो। रास्ट्रीय कर दिवस का अवसरमा नागरिक लाइ कर सम्बन्धी जानकारी दिन निस्केको कर कार्यालयको र्यालीकै अगाडि ३ जना ग्राहक ब्यापारिक पसल बाट सामान किनेर बिल नलिएरै कोइराला कै अगाडि निस्किए कर कार्यालय प्रमुख कोइराला ले ती ग्राहक
लाई सामान किनेको बिल लिनु भयो कि भएन भनेर त सोधेनन तर सामान बेच्ने व्यापारी लाई चैँ नमस्कार गरेको भिडियो क्लिप क्यामेरामा कैद हुन पुग्यो। नागरिक हरुलाइ कर सम्बन्धमा जानकारी गराउने हेतुले निकालिएको र्यालिमा एक जना पनि नागरिक वा ग्राहक को उपश्थिती थिएन।बजार परिक्रमा गरेर जुलुस दोघरे श्थित उद्योग वाणिन्ज्य संघघको सभा हलमा पुगेर कार्यक्रमा परिणत भएको थियो। कार्यक्रम स्थलमा वास्तविक
कर तिर्ने ग्राहक वा नागरिकलाई सहभागी गराइएको थिएन भने दाङ्ग जिल्लामा रहेका उद्योग वाणिन्ज्य संघका अध्यक्ष लगायत पदाधिकारी हरु मात्रै उपश्थित भएका थिए। उक्त कार्यक्रमको भिडियो रिल हेर्दा कर सम्बन्धी सुचना पाउनै पर्ने नागरिक वा ग्राहक लाई छलेर औपचारिकता निभाउन मात्रै गरिएको जस्तो देखिन्छ। प्रभात फेरीकै क्रममा २३ जना व्यापारी लाई बिल
नदिएको कारण जरिवाना गरेको भए राज्यको खातामा २ लाख ३० हजार रुपैयाँ राजश्व जम्मा हुने थियो भने व्यापारी सचेत र नागरिक जानकार हुने थिए।वास्तविक कर तिरी रहेका नागरिक लाई थाहानै नदिएर गरिएको कार्यक्रम ले आन्तरिक राजश्व कार्यालय तुलसिपुरका प्रमुख कर अधिकृत गोपीकृष्ण कोइरालाको कार्य सम्पादन प्रती शंका गर्न सकिने बिषय उठेको छ।