तुलसीपुर, २० पुस । ग्वारखोलामा बस दुर्घटना हुँदा १८ यात्रु जना घाईते भएका छन् । तुलसीपुरबाट घोराही तर्फ जादै गरेको ना ६ ख १८१४ नं. को बस सोमबार बिहान पौने १० बजे तिर दुर्घटना भएको ईलाका प्रहरी कार्यालय तुलसीपुरका डिएसपी शिवबहादुर सिंहले जानकारी दिए ।
घाईतेहरुको अहिले राप्ती प्रादेशिक अस्पताल तुलसीपुरमा उपचार भई रहेको छ । घाईते सबैको अवस्था सामान्य रहेको डिएसपी सिंहले बताए । दुर्घटनाको कारण खुल्न नसकेको र थप अनुसन्धान भई रहेको प्रहरीले बताएको छ ।