तुलसीपुर ४ मंसिर । रोल्पामा सवारी दुर्घटना हुदा १ जनाको मृत्यु भएको छ भने २ जना घाईते भएका छन् । गएराती साढे ८ बजेको समयमा जिल्लाको सुनिलस्मृती गा.पा.८ तल्लोपानी स्थित सुलिचौर(अरेश भित्री सडक खण्डमा जिपले ठक्कर दिदा उक्त दुर्घटना भएको हो । लु १ ज ३०७० नम्बरको जिपको ठक्करबाट घाईते भएका मध्ये सुनिलसमृती गा.पा. वडा नं ८ अरेस वस्ने बर्ष ४६ को राहुल मगरको प्राथामिक स्वास्थ्य केन्द्र सुलीचौरमा प्राथामिक उपचार पश्वात थप उपचारको लागी बुटवल तर्फ लैजादै गर्दा बाटोमा नै मृत्यु भएको छ ।
अन्य घाईते सोही ठाउ वस्ने बर्ष ६ को राजेन्द्र पुन र बर्ष ३५ कि रिमा पुनलाई तत्काल उपचारको लागी सुनिलस्मृती गा.पा. स्थित प्राथामिक स्वास्थ्य केन्द्र सुलीचौर ल्याईएकोमा थप उपचारको लागी बुटवल रिफर गरिएको छ । दुर्घटना लगत्तै घटनास्थलबाट फरार भएको जिप र चालकलाई प्रहरीले नियन्त्रणमा लिई आवश्यक अनुसन्धान तथा कारवाही प्रकृया शुरू गरेको जिल्ला प्रहरी कार्यालय रोल्पाका प्रमुख प्रहरी नायव उपरिक्षक नरेश राज सुबेदीले जानकारी दिनुभएको छ ।