डडेलधुरा,२५ कार्तिक। डडेल्धुरामा चितुवाको आक्रमणबाट एक किशोरीको मृत्यु भएको छ । बैतडीको शिवनाथ गाउँपालिका–४ बगारकी अन्दाजी १८ वर्षीया माया महताको चितुवाको आक्रमणबाट मृत्यु भएको प्रहरीले जनाएको छ ।
घाँस काट्न सीमाक्षेत्र डडेल्धुराको भागेश्वर गाउँपालिका–१ मर्मागाड पुगेकी किशोरीको सोमबार चितुवाले आक्रमण गर्दा मृत्यु भएको जिल्ला प्रहरी कार्यालय डडेल्धुराले जनाएको छ । आइतबार मात्रै डडेल्धुराको भागेश्वरमा चितुवाको आक्रमण गर्दा १२ वर्षीय बालकको मृत्यु भएको थियो ।