तुलसिपुर,२५ असोज। दाङमा पशुचौपायामा नयाँ भाइरस देखिएको छ । नेपालका अन्य जिल्लामा समेत देखा परेको ‘लम्पी स्किन’ नामको भाइरस गाई भैंसीमा देखा परेको हो । दाङमको राप्ती गाउँपालिकामा यो भाइरस देखा परेको गाउँपालिका पशु सेवा शाखाकाका प्रमुख शेर बहादुर हमालले बताउनुभयो। उहाँका अनुसार यो लम्पी स्किन नामको भाइरस गाई, भैंसीमा देखा परेको र तिनीहरुबाट जन्मिएका बाच्छाबाच्छी र पाडापाडीमा समेत सर्ने गरेको छ ।
यो भाइरस पशु सेवा शाखाको पहलमा मात्र नियन्त्रण गर्न नसकिने भएकोले भेटनरी अस्पताल तथा पशु सेवा विज्ञ केन्द्र दाङलाई जानकारी गरी सहयोग गर्न अनुरोध गरिएको प्रमुख हमालले बताउनुभयो । यो रोग लागेमा पशुका शरीरमा खटिरा आउने, खटिराबाट तरल पदार्थ बगिरहने, ज्वरो आउने, खुट्टा सुन्निने तथा लुलो हुने, दूध दिन छोड्ने समस्या देखिने र अन्तिममा मृत्यु समेत हुने हमालले जानकारी दिनुभयो। यस भाइरसको नेपालमा औषधि नभएको भन्दै उहाँले किसानलाई भाइरसबाट गाई, भैंसी बचाउन पहिले नै सतर्क रहन समेत आग्रह गर्नुभयो ।
\’यस रोगविरूद्धको खोप हाल नेपालमा उपलब्ध छैन’, उहाँले भन्नुभयो ‘यसलाई नियन्त्रण गर्न रोग देखिएको क्षेत्रबाट गाइभैंसीको ओसारपसार बन्द गर्न र गोठ वरिपरिको वातावरण सफा राख्नु हो ।