दाङ, १९ असोज । नेकपाका सांसदले प्रस्तावित नाम र राजधानीका पक्षमा मतदान गर्ने भएका छन् । नेकपा प्रदेश पाँच संसदीय दलको आज बुटवलमा बसेको बैठकले सरकारले प्रस्ताव गरेको दाङको भालुवाङ राजधानी र नाम लुम्बिनीको पक्षमा मतदान गर्ने निर्णय गरेको प्रदेश सांसद इन्द्रजित थारुले जानकारी दिनुभयो ।
उहाँका अनुसार फरक मत राख्ने १४ सांसद पनि प्रस्तावित राजधानी र नामको पक्षमा मतदान गर्ने भएका छन् । ६१ सांसद रहेको नेकपाका सबै सांसदले सरकारको प्रस्तावमा मतदान गरेमा राजधानी दाङ सर्ने पक्का भएको छ ।कांग्रेसका १९, जनता समाजवादी पार्टीका ६ जना र राष्ट्रिय जनमोर्चाका १ जना सांसद छन् । यससंगै प्रदेशको प्रस्तावित नाम र स्थायी राजधानीले पूर्णता पाउने निश्चित भएको छ ।