भाद्र २१,सुर्खेत । कालिकोट जिल्लाको नरहरिनाथ गाउँपालिकाले स्थानिय नागरिकको घर घरमा पुगेर खाता खोलिदिने भएको छ । सामाजिक सुरक्षा भत्ता बितरणको लागि खाता संचालन गर्नु पर्ने भएको र सबैलाई बैंक आउन जानको लागि सहज बातावरण नभएकोले अपांग ,वृद्व वृद्वालाई स्थानिय सरकार भएकोअनुभूति दिलाउनको लागि घर मै पुगेर खाता खोलिदिने गाउपालिका अध्यक्ष धिर बहादुर बिष्टले बताउनु भयो ।
विश्व भरी नै महामारिको रुपमा फैलिएको कोरोना भाईरसको संक्रमण दिनानुदिन वृद्धि हुँदै गएको र खाता खोल्नको लागि बैंकमा भिडभाड हुने र कोरोना संक्रमणको दर उच्च हुने संभावना भएकोले सामाजिक सुरक्षा भत्ता पाउने सबै नागरिकको घर घरमा पुगेर खाता खोलिदिने निर्णय गरिएको गाउपालिका अध्यक्ष बिष्टले बताउनु भयो । खाता संचालनको लागि कोरोनाका कारण बिध्यालय बन्द भएको र शिक्षकहरु पनि खाली भएको हुदा उक्त खाता खोल्नकोलागी सम्बन्धित वडाका कर्मचारी र शिक्षकहरुलाई परिचालन गरिने अध्यक्ष बिष्टलेको भनाइ छ ।अबको १/२ दिन मा नै वडाका कर्मचारी र शिक्षकहरुलाई नेपाल सरकारले निर्देश गरेको आवश्यक स्वास्थ्य मापदण्ड पूरा गरि परिचालन हुने छन् ।
| ReplyForward |