२१ साउन ,कोहलपुर बाँके।
बाँके प्रहरी र जिल्ला प्रशासन कार्यलय बिच समन्वय नहुदां व्यापारीहरु अलमलमा परेका छन् । उनिहरु बीच खाद्यान्न ग्यांस जस्ता अतिआवश्यक बस्तुको खरिद बिक्री गर्ने समयको समेत तालमेल छैन ।
बांकेका प्रमुख जिल्ला अधिकारी राम बहादुर कुरुबागले खाद्यन्न ग्यास जस्ता पसल दिनभर खुल्ने बताए पनि त्यो सूचना जिल्ला प्रहरी संग भने पुगेको छैन । जिल्ला प्रशासन कार्यालय बांकेले समय तोक्दा बढी भिडभाड हुने भएकोले समय नतोकिएको बताएका छन्।
बांके प्रहरी प्रवक्ता प्रहरी नायब उपरीक्षक सुभाष खड्काले पसलहरु बिहान १० बजे सम्म खोल्ने समय तोकिएको जानकारी दिए। व्यापारिहरु प्रहरी बा जिल्ला प्रशासन कस्को कुरा मान्ने भनेर दुबिधामा रहेका छन् । खाद्यान्न पसल खोलेका व्यापारीहरुलाई अहिले प्रहरीले जबर्जस्ती पसल बन्द गराउदै हिडेका छन् ।
फिल्डमा खटिएका प्रहरीले आफुलाइ बन्द गराउने निर्देशन आएको बताएका छन् ।उनिहरुले प्रहरी र प्रशासनको कुरामा एकरुपता ल्याउन माग गरेका छन् ।