१३ साउन ,कोहलपुर बाँके ।
बाँकेमा आज थप १ जना कोरोना संक्रमित निको भएर डिष्चार्ज हुँदैछन् । यो संगै बाँकेमा कोरोना निको भएर घर फर्कनेको संख्या ३ सय ७३ पुगेको छ ।
आज नेपालगञ्जस्थित आदर्शनगर आइसोलेसन केन्द्रबाट खजुरा गाउँपालिका वडा नम्बर ३ का ४१ वर्षीय पुरुष निको भएर डिष्चार्ज हुन लागेको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।
अब आइसोलेसनमा ३२ जना छन् । जिल्लामा ४ सय ७ जनामा संक्रमण पुष्टि हुँदा २ जनाको भने मृत्यु भएको छ ।
